شيكات المسلم...وناصر المحمد

امس النائب فيصل المسلم بط الجربه وخربها وقال الي عنده بالشيكات وطلع شيك لنائب بالدائره الرابعه(ترا مو المزيون عسكر) حلو الكلام ؟؟؟

انا ما عندي اي اشكاليه انه صرف المال من جيبه الخاص وقاعد يوزع الفلوس من حسابه الخاص بعض الناس تقول فلوسه وكيفه صح فلوسه وكيفه ما قلنا شي .

حتى جمال العمر بقضية شراء الاصوات فلوسه وكيفه والدبوس هم فلوسه وكيفه عادي احنا شكو شرا اصوات ولا ما شراهم وزع جناط جوتشي ولا لويس فيتون كيفه حر الريال بفلوسه .

بس لحظه مو جنه حاكموهم وتمت تبرأتهم بسبب انه المرشح نفسه ما كان موجود؟؟؟ يعني اوضح الدليل المرئي كان يبين منو الي موجود ومنو لا بس النائب لانه مو موجود فتم تبرأته والشي الثاني الناس الي بالفيديو مو مبينه اشكالهم..

بس معناتها انه ناصر المحمد قاعد يشتري ولاءات النواب ويا كثر الناس الي تبي تبيع ولاءها من اجل حفنه من عشرات الدنانير..

غريب امرهم الناس لا ترضى انه المرشح يوزع فلوسه يمينه ويساره ويرضون انه ناصر المحمد يشتت امواله ويضعها في حساب نواب يمثلون الامه اي منطق هذا ما ادري .

على العموم جميع من شارك في هذه الحمله ضد ناصر المحمد ابلغه انه وصلت رسالته الحاقه لمن يجب ان توصل له والدليل دخلت احد الدواوين وكان الكلام كله يدور حول المدونين وتحركهم المفاجئ وشيكات فيصل المسلم التي اصبحت تدين ناصر المحمد بشكل اكبر - للذي يضع شيك الطبطبائي حجه له ترا اخذه بشكل مو رسمي ولا امام الناس ولا شي فلا يكون حجه لكم- بقيت الان الصحافه الحره تكتب عن هذا التحرك بشكل لا يضعنا بصورة الخونه ونريد تفكيك الدوله مثل ما كتبت عننا جريده العار لصاحبها الفار بل اننا مجموعة مطالبين بشيء من حقنا ان نطالب فيه.