اليوم بعد صلاة العشا رحت حق خالي العود وقاعد يسولف لنا عن ايام اول وبالتحديد سنة المجلس وقيام الثوره الشعبيه للمطالبه بمجلس يحمي الامه ويشاركون فيه بالحكم كان خالي يتكلم بالتحديد عن احد المؤسسين لهذه الحركه الشعبيه للمطالبه بمجلس ودستور بمساعدة الشيخ عبدالله السالم الصباح طيب الله ثراه والملقب بأبو الدستور يقول خالي كان رايح مع يدتي دكان من الدكاكين يبيع بخور وذكر لي اسمه بالظبط منو راعي الدكان بس ماني قادر اتذكره الحين يقول واحنا رايحين الدكان صوب فريج الشيوخ صار صوبنا اطلاق نار وحتى صاحب الدكان تصوب وكان اطلاق النار عشان شخص واحد الي اهو العم المرحوم محمد المنيس ''عم سامي المنيس حسب ما ذكر لي من الاخ فيصل'' وكانو يبون يصيدونه وامسكووه وودوه الصفاة وطقوه من بعدها بيوم ولا يردون يلاحقون سامي المنيس وقال اسماء كثيره دارت وتطالب بسنة المجلس لوضع دستور لحماية المواطنين وقامو الشيوخ اييبون ناس بالكارجوات (شاحنات)ويخلونهم فداويه للشيوخ وتقريبا كان بالكارجو الواحد ما يقارب 50 فداوي جديد
فصار عندي نقطتين :
الاولى:وين الاسلاميين ما ذكر اسمهم بالمطالبه بشي اسمه دستور كل الي ذكر اساميهم من اللبراليين وكان منهم العم خالد الوسمي واحمد الخطيب والكثير من الاسماء
الثانيه:انه الفداويه الي يابوهم من الله واعلم وين لكن قال من الدول المجاوره شوي من العراق شوي من السعوديه شوي الله يعلم وين كلهم عندهم جناسي
فمن خلال هالنقطتين عرفت انه اللبراليين تعبوا وهم يبنون البلد ويزرعون فيها ويسقون الزرع بدمهم الين ما صار دورنا للنجز
والفداوي من بعد ما احرق دم اللبراليين صار له الحق في دخول المجلس ويقول انا من ابناء
الكويت
تنويه:ليس المقصود بسنة المجلس المعروفه بسنة 1938-1939
لن يكون لدينا ما نحيا من أجله، ان لم نكن على استعداد أن نموت من أجله
هناك تعليقان (2):
عندك غلطة، مو سامي المنيس اهو عم سامي المنيس اللي اهو محمد المنيس اللي قتل
Faisal
مشكور على التنويه وانشالله تتصلح الغلطه هذي لكن لاني اخذت المعلومات وكانت متشابكه المعلومات نوعا ما عشان جذي غلطت وتسلم لي على التصحيح
إرسال تعليق