وين المليارات ؟؟؟

على غير عادتي اني اكتب بشكل يومي لوقتي الضيق في طلعات الحداق اليوميه لكن الجو حدنا انه نكتب بشكل يومي في هذا الوقت خصوصا انه الحين وقت الفراغ مو راضي اترسه بشي غير روحاتي القهوه من صباح الله خير وغير انه الاوضاع ما تسر لا صغير ولا كبير وبعد اقرار 12 مليار دينار ميزانية دوله في هذا الوقت وفي اقل من سنه اقر 19 مليار والميزانيتين ما شفنا منهم شي الى الان والخطه الخمسيه اقرت وفيها 9 مستشفيات ومادري شنو بعد وياهم بس الي شدني المستشفيات قعدت ادرس المواقع المراد بناء المستشفيات فيهم قلت من الطبيعي انه راح يكون وحده بالجهراء ووحده بالاحمدي ووحده بالفراوانيه ووحده بمبارك الكبير غير مستشفى جابر الي نسمع فيه وما نشوف غير البر المستشفيات الي حددت مواقعهم من الممكن تنفيذ مستشفى الجهراء المراد تنفيذه بحسب تحليلي الشخصي يوجد له مكان واماكن كثيره غير مكانه اما الاحمدي فمن المستحيل تنفيذه كون المنطقه محصوره بالمعسكرات والمنشئات النفطيه الكثيرة في هذي المنطقه بالذات واما مبارك الكبير ما اعتقد فيها مكان لسوء توزيع الاراضي وخصوصا بعد الغزو كون اكثر الفلجاويه راحو القرين بتعويض البيوت هناك وفوقهم من ابناء الظهر الاراضي المنكوبه الي اخفقت عليهم في نهاية الثمانينات والعاصمه اخ يا العاصمه سوء البنيه التحتيه المتاهلكه الي ما قامت تتحمل هذا الكم الهائل من المباني والمجمعات والاراضي الفاضيه الي الى الان محد راضي يثمنها لانه بسعر البيع تطلع له الارض بمبلغ اكبر يفوق الخيال يعني من فتره ارض مساحتها 400 متر بوسط المرقاب ومكانها جدا تعيس بيعت بسته مليون دينار وقانون التثمين يقول تثمين المتر المربع الواحد ب 200 دينار في شاسع كبير بين الرقمين اذا حسبتوها الحل الوحيد الي انا اشوفه تحرير الاراضي من 7 الى 8 بالمئه حتى تنزل اسعار الاراضي الي مو راضيه تنزل وعشان يستفيدون الناس من الخدمات المراد تنفيذها وهذا الاقتراح تقدم فيه العنجري في الرد على خطاب الاميري شي ثاني هو جسر جابر العلي والظهر ومبارك الكبير الي يودي على الدائري السابع وهو يعاني من الشاحنات وكل سنه يسوون له ترميم من يد ويديد بسبب الشاحنات العابره لدخول العراق او اختصار الطريج لي الاردن وتركيا وسوريا للدول مثل عمان والامارات والبحرين وقطر وشوي من السعوديه يوميا ما يقارب 300 الى 400 شاحنه تدخل في هذا المكان وهم عندهم طريجين من الممكن اختصار المسافه منهم وتلاشي الازدحام اما من طريج المقوع عن طريق الاحمدي او طريج شعيبه الي الى الان ما اكتمل ومخلينه بر وكان المفترض انه يكون الدائري الثامن الي يودي الى شمال الكويت من غير توقف واختصار مفيد يكون لكن للاسف المليارات تقر خلال ساعتين نقاش ولا نشوف منها حتى شي بربع مليار والله المستعان يا كويت