انتو شرايكم...؟؟

وصلتني هالرساله على الايميل من احد متابعين مدونتي وحتى ما اعرف منو هو او هي لكن ابي رايكم بكل صراحه:

الى الاخ العزيز عنيف


بعد ما لاعت جبودنا من الحر بسبب تجاهل الحكومه لازمة الكهرباء والماي ،وصاروا يقطعون الكهربه علينا والحجه ان الاحمال زايده بسبب عدم توفر المولدات الي ماتكفي الشعب الكويتي الي عددهم ما وصل 1000000 !!
وبعد ماقامة الحكومه تبني محطة كهرباء وماء للاردنين السنه الي طافة وبنو للمصرين الي عددهم زاد عن 80000000 محطه كهراء وماء السنه هذي والسنه الجايه يمكن يبنون حق العراقين
والي وراها الله اعلم بعد منو .


مالقيت غير اني الجأ لله ثم لك ان تقومون بتجمع بساحة الاراده الي فيها كامره قد راس البعير يمكن يحس حاكمنا الكريم وحكومتنا المعطاء ونوابنا حماة المال العام بالازمه الي انمر فيها
والي خلت الشعب يطفش من الحره


وصدقني ان هذا الشي الكل بوقف وياك لان كلنا نعاني ومايختلف ثنين عليها , فارجو انك اتوجه رساله للمدونين ان يجتمعون بساحة الاراده على شان الحكومات الثانيه تشوف شكثر
حكومتنا كريمه ورحيمه ان بدت شعبها عليهم وبدال ماتوفر للشعب وفرتلهم


والله اني ماكتبتلك الرساله الا ان ضاق الصدر فيني واتمنا انك ماتتجاهلها.


السؤال الي يفرض نفسه ببالي بعد ما قرأت هالكلمات ليش بعض النواب بدال لا يسأل عن منظمه خيريه ويتهمها بالتبشيريه يسأل عن هالسوالف ليش بعض النواب بدال لا يهدد وزير الصحه بالاستجواب على انفلونزا الخنازير جنه يايب المرض من بيت ابوه وما يسأل عن هالسوالف بعض النواب بدال لا يطبلون لعمامهم بالحكومه ليش ساكتين ويهاجمون السعدون لانه يبي يستجوب رئيس الوزراء على اخفاق 7 وزراء ليش ما يسألون عن هالسوالف وين قولجي الحكومه وين المتحدثه الرسميه بأسم الحكومه وين وايد نواب عن ملايين تصرف بالاردن ومصر

للمعلومات فقط مصر مديونه للكويت ب 70 مليون دينار كويتي لم تسدد حتى الان

الاردن مديونه للكويت ب60 مليون دينار كويتي لم يسدد منها شيء حتى الان

الله العالم من الدول المديونه للكويت جم وحده لكن ولا وحده سددت للكويت شي ليش ما يسألون بدال الاسئله التافهه الي تقدم للوزراء؟؟ مو الكويتي اولا من الي بره الكويت؟؟


وينهم 50 نائب عن هالسوالف يوميا محول محترق محولات رميثيه من سنة 1962 محولات الشاميه من سنة 1959 وغيرهم محولات وايد بالديره ليش ما يجددون ويبنون بدال مصر ويعطون حق بنين وبوركينا فاسو ودول الله العالم وينها بالخريطه

ديرة بطيخ تنتقد حكومه طقوك طاخ وطيخ

مع الاعتذار للاخ مطقوق