سجل احتجاجك

اضغط وسجل احتجاجك مع مدونة احتجاج وارفع الصوت وقول انا احتج

السبت، 10 يوليو 2010

العقليه الكويتيه

الله صرتوا نفس البدو ما تبون ناصر المحمد هالريال الي يبي يشتغل بس هالجم واحد بالمجلس مو مخلينه يشتغل الحين تبون تشيلونه ومنو تحطون مكانه انتوا لو تعرفون انه ناصر المحمد ريال خير ومن الناس الزينين الي قلوبهم على الديره جان ما وقفتوا وقلتوا ما تبونه .

حكومه فيها وزرا يصوتون ضد القروض ما نبيها اختنقنا يا خوك لي متى .

اي شيء تسوونه ضد ناصر المحمد هو انقلاب على الحكم ولا انت يعني مو راضي انه الامير حاطه بهالمنصب ترا يعتبر هذا انقلاب حتى استجوابه يعتبر انقلاب على الحكم وماكو ماده بالدستور تقول انه تقدر تستجوب رئيس الوزرا العن ابو الدستور لابو الدستور بكبره محد مأذينا غير الدستور ومجلس الامه.

ياخوك دشوا علينا بالفرعيات خربوا علينا الفرعيه وليش ما يخلونا نسوي فرعيه تأذينا كل يوم مجرجرين عيالنا تحقيق على الفرعيه وزيد فوقهم انهم زايدين الجيله بالمخالفات علينا وشالوا الدواوين.

ناصر المحمد خط احمر قول حق ربعك يلزمون حدودهم ياخي ليش ما يصيرون مثل بريطانيا ما عندهم استجوابات ولا شي الا انتوا الي عندكم استجوابات تر ا ملينا استجواب استجواب استجواب شوف خلف دميثير من زمان ينزل وينجح ولا مره استجوب لأنه عقليه فذه برلماني ناجح.

خلونا من اللغو الزايد الي قريتوه فوق لكن كل الي قرأتوه هو ردود افعال دوانيه واحده فقط بعد طرحي لمجموعه من المشاكل الطافيه على السطح مثلما يقولون احنا نحتاج ان نعمل بشكل سليم وواضح وبشفافيه بإيصال فكره اين تقع مشكلة التنميه اين تقع كل مشاكلنا ايصال واضح للسياسه وليس كلام جرايد وتأليف العمل بشفافيه واخراج جميع الادله لنؤشر على الخلل في كل شيء سواء من مجلس امه او حكومه خصوصا انه القانون والحقيقه مغيبه عن الكثيرين ممن صادفتهم في الاونه الاخيره .

الحريه لخالد الفضاله بعد ان قرأت كمية السباب والحكم الصادر بحق صاحب السباب بمدونة ام صده

هناك 6 تعليقات:

ساره النومس يقول...

قاع اقول شفيه ؟


مادري شفيهم بدو حضر بطوا جبدي برا الكويت ماكو هالسوالف وتكون قليلة لو وجدت

esTeKaNa يقول...

الله يصلح الحال يارب
:(

le Koweit يقول...

للاسف في ناس جذي تفكيرهم
والسبب ثقافة الجرايد وتحديدا الوطن ...

الراية يقول...

اوووه هذي قطره ياخوي على اللي كل يوم اسمعه في القهوى وفي الديوانية تقول لهم عطوني انجازات بطلكم يبلعون العافيه ومحد يرد غير انتوا تبون المشاكل وماتبون تنمية سلام على التنمية اللي صارت حجه

واتفق معه اخوي لو كويت وازيد وثقافة سكوب اللي مايتابعها الا العيايز والشياب

well_serviceman يقول...

المشكله عزيزي مو بس بهالناس ، هالناس كل واحد له عقليه شكل وممكن يكون اساسا غافل ومايعرف شيقول ، لكن المشكله الأكبر واﻷدهى من هذا هو ممثلينا بالبرلمان ، هذول اللي يبيلهم امجابل على تصريحاتهم اللي تفشل!

الدســتور يقول...

بكل 5 دقايق نسمع الحجي