مستشفى العدان...وحالة الضغط عندي

ما ابي اتكلم عن استجواب مسلم اكثر من مره او اي شي اخر مصاحب للاستجواب بس الي بقوله لكم قصتي بمستشفى العدان العجيب
بداية القصه وانا قاعد بالصاله ببيتنا وعيوني تتصافق من كثر ما انا دايخ وابي اروح فراشي بعد معاناة مع قراءة مدونات الزملاء والزميلات المدونين وقراءة الجرايد من صباح الله خير وريحتها الفرش من المطبعه نزل اخوي الي اكبر مني وصار الحديث بينا

اخوي:انت لو قايل لي انك قاعد جان دزيتك تجيب دوا الوالده هاكالكرت مالها وبطاقتها وروح العدان جيبهم.
انا:والله اني دايخ بنام الله يرحم لي والديك روح انت
اخوي:انا بوصل اخونا الكبير ياخذ سيارته من الوكاله خل نخلص يالله روح
انا:على هالخشم ابشر
صعدت عند الوالده بدارها سألت عن الادويه وعطتني اساميهم وكراتينهم عشان ما انسى اساميهم ورحت مستشفى العدان.
دشيت وقعدت اسأل عن مكان الي يصرفون ادوية الضغط ودلوني على المكان الي ابيه بالظبط
رحت ولا 3 بنات بغرفه ووياهم بنغالي يصب شاي وقهوه واهم يتريقون عطيتهم كرت الوالده عشان يطلعون الملف ولا تقولي الموظفه انت فلانه ؟؟؟

شكيت بنفسي الصراحه وانا متأكد انه ويهي متروس لحيه وشنب قلت لا فلانه الوالده قالت اها اوكي

نطرت ساعه تقريبا ولا تقولي الموظفه الملف مفقود

مفقود مين مفقود شلون مفقود قالت لي انزل السرداب وجيب الملف وروح حق الدكتور نزلت السرداب بعد عناء طويل والفراره في دهاليز مستشفى العدان لقيت درب السرداب وانا نازل لقيت لافته تموت من الضحك قلت يحليله وزيرنا اليديد يحب ينكت الظاهر مكتوب على اللافته قسم الخدمات الفندقيه بمستشفى العدان!!!

صراحه لا تعليق اللافته المهم ما اطولها عليكم
وصلت مكان تخزين الملفات وطلبت ملف الوالده ويابته الموظفه لي وسألتني انت فلانه قلت ها شسالفه ؟؟؟

رحت حق الدكتور ولا هندي ومطوع اول ما دشيت الغرفه ولا يقفل الباب وانا لابس شورت ومطلع سيقاني الي جنهم نكاشات اسنان ولا يقولي اقلط انا بيني وبين نفسي اقول اقلط !!! ما يصير هندي واقلط.
ودار هذا الحديث

الدكتور:شنو يبي؟
انا:اي وونت ذس تو مدسن فور ماي مذر شي ددنت تيك ذوس مدسن ان ذا لاست تايم شي ددنت تيك ذم

الترجمه:انا ابي هالادويه الي بيدي حق الوالده لانها ما اخذتهم في اخر مره ياتكم..

اهو طبعا تشقق من الوناسه احد يكلمه انجليزي

الدكتور:اوكي اي ويل قيف يو ذا مدسن

وكتب لي الادويه ولا يقولي روح اختم الورقه من عند البنات رديت عند البنات الي يعلفون من يد ويديد وانا اتحلطم واقول اكو دكتور ما عنده ختم شهالمصخره؟؟

رحت لهم وقلت لهم ابيكم تختمون لي هالورقه ولا تقولي الموظفه من يد ويديد انت فلانه صراحه يعني مادري شقول

وين الصيدليه اختي ولا تدليني الصيدليه الي خاشينها بداعوس وعطيتهم الورقه ولا يعطيني الادويه الغلط قلت له انا ياي من الساعه 9 الحين الساعه 11 وتعطيني ادويه غلط ليش؟؟

قالي الصيدلي مو هزا هو المكتوب حقتي بالورقه وانا الضغط عندي وصل حده وتنرفزت بغيت ازرده من قميصه الي عليه فول وبقايا الخبز وقلت اهو شنو ذنبه خل اروح حق الي وصف لي الادويه وارد ادش عنده وانا طالع لي قرون وقاعد انافخ ولا يقولي اووو يو نيد ذوس مدسن اوكيي

بغيت اقلب المكتب على راسه وابهدله بمكانه

رديت حق الصيدلي ولا يقولي انت استناني هني نص ساعه وانا اجيب لك الدوا يا خويا !! معقوله صيدلية مستشفى يدور فيها نص ساعه والله تطور ما يبون يخلونا نروح مكان ثاني عشان ادويتنا ولا يطلع علي بعد ربع ساعه يقولي الدوا مو موجود مني عندنا روح للمستشى الاميري حتلئاه هناك هني بغيت اسوي عملية اغتيال وطلعت وانا من قمة راسي اسب واسفل بالصحه كلها

الداهيه الاعظم لما طلعت وشفت سيارتي ولا سيارتي مدعومه وانا توني مصلحها من دعمات سابقه يعني الصراحه لو صايد احد شكله مو عاجبني جان اغتلته

رحت مستشفى الاميري ولا يصرفون لي الدوا بعد نجره وعناء وهواش ماله والي وانا ادور واحد يخزني بس عشان ابرد جبدي فيه بس للاسف ما فيه لانها مستشفى فيها اوادم مو مستشفى العدان الي متروسه جنقل وكل وحده داشه المستشفى تاخذ دوا يايبه معاها كوكش يهال وست خدامات وسايق.

والله المستعان على الي راح ياكلها مني لاني لما الحين متنرفز وودي افضفض الي بجبدي على اي احد

وللمطعم بعد