ما افتكينا من جسوم طلع لنا نصور

اولا الي عنده فكره عن موعدكم مع صالح الملا يبلغني لانه خصبقتوني مادري اروح ساحة الاراده مادري اروح حق الملا بروحي

ثاني شي بتوقفون بساحة الاراده وين عيال الفقيد بو طارق الفضاله راح اييون؟؟؟


والحين حق موضوعي

انا ما قريت الجريده اليوم بس لما فتحت البلوقر قريت عند الاخت بيت القرين هذا الكلام



لقد ذكرت يا أخ مسلم أنه لم يبقى إلا أن تكون مسئولا عن الغزو العراقي بعد أن سطرنا حالات الفشل التي تسببت بعودة البلد إلى الوراء، وأقولها نعم أنتم والذئاب من ساهم وساعد الغزاة وشجعوهم على الاعتداء على أراضينا بمحاولاتكم إضعاف الحكومة والسلطة وقتها ، وما يؤكد هذا النظر صراخكم على ما تسمونه بدول الضد لتعويض قصوركم وإخفاء مسئوليتكم عما حدث


طبعا هذا الكلام موجه من نصور الخرافي الى مسلم البراك والاخت بيت القرين ردت خوش رد وترفع لكتاباتها القبعات صراحه والي ابي ازيده ليش نصور يهاجم السعدون واهو ماله دخل بالسالفه ؟؟؟
اها انا اقولكم ليش لانه البراك قال السعدون يبقى استاذ بعد جلسة طرح الثقه وثانيا السعدون كان خير نائب يلعب بحسبة جاسم الخرافي وما يخليه ينام الليل من قوة طرحه القانوني الي يجيده السعدون بكل قوه وما يحتاج سماعه
وبسنة 1996 يوم الخرافي يخسر الرئاسه بورقه بيضه ما نعلم منو اهو الي امتنع عن التصويت ونحش لندن 3 سنوات متعاقبه وما رجع الكويت الا لما انحل المجلس اما السعدون بعد خسارته الرئاسه بسنه 99 اصبح اقوى من السابق برئاسته لانه اتاحت له فرصه اكبر في طرح المشاريع واقرار ما يملكه من خبره تشريعيه متوافقه مع الدستور بشكل متكامل اما الخرافي الى الان ما شفنا منه ولا اقتراح ولا حتى ربع اقتراح ويقول نصور اخوه انه اخذها بالجهاد خمس مرات بالجهاد ضد الذئاب وقصده عن السعدون اذا السعدون مسبب لكم عقده هالكثر ليش ما تهاجمونه ؟؟؟ لانكم تدرون السعدون وراه ناس راح تاكلكم قبل لا حتى يفكر وينزل من مستواه العالي الى مستواكم الواطي ويرد عليكم وانا صراحه اشره على البراك يرد على هالاشكال المفروض يعطيهم الجواب الشافي والكافي ويفك عمره من البدايه

واخر ما قاله نصوري انه يبي يوقف النقاش مع البراك بناءاً على اوامر اخوه الكبير جسوم والسبب الفعلي بعيني عشان لا يخيسكم البراك اكثر واكثر فوق خياسكم والرائحه الكريهه الي تصدر من وراء تصريحاتكم الي ما منها فايده الا تقطون المنه على الكويتيين وانتم منتكم ماخذين فلوسها وخالصين بالمناقصات ...


ومع العماري وصوت يحيى عمر قال قمري