لوح بورقه تفوز

على وزير الداخليه بعد تلويحه بورقه بأستجوابه انه احال القضيه للنيابه والي اقسم واكد على هذا الشي وطلع تلويحه برساله من الداخليه للنيابه من غير اي متهم موجه له التهمه وهذا الي يسمونه عدم جدية البلاغمثل بلاغات طافت مثل هالبيرتون والناقلات والاستثمارات وكلهم حفظ القضيه لعدم الجديه في البلاغ وعدم وجود متهمين انا الود ودي اشوف ويه علي فرخ الحكومه بهالسالف والي ما بين بتصريحات ناريه انبطاحيه منشكحه للدفاع عن لقمة العيش الي يتقاضاها ولا ام الفساد ظاهره صحيه ولا رجل تعرفه وتثق به يا لبراليين وشعبيين تذكرون تصريحات فرخ الحكومه انه استجواب قبلي وبدو وحضر وتقسيمات مالها داعي ؟؟؟ صدقوني انها كانت انقسام بين الاعضاء خصوصا اللبراليين زملائي اللبراليين تأثروا بالزميل السابق الغير متأسفين عليه الكثيرين منهم وصارو بين نارين وطلعت اشاعات انه العنجري اخذ مناقصه والملا وياه هم بمناقصه وكنت بدوانيته وقلت له هالكلام وصديقتنا اسيل الي انا شفت موقفها خير دليل على وجود الانقسام بين النواب وخصوصا بين قواعدهم الانتخابيه واسيل لوحت بالاستجواب وراح نشوف المواقف الفعليه في هذا الوقت ونشوف علاوي شنو يقول ...؟

المراد ما نبي كل وزير بالمستقبل يلوح بورقة امتحانات ولده باجر يقولون لا احالها للنيابه ولا انه يقول المدافعين عنه انه وداها النيابه وخلاص بطلنا حركات ارعه من الاستجوابات عدل يا اخواني وخواتي ؟؟؟ صاحبنا الي قسمنا لي نصين من مؤيد ومعارض بقوله ما شاء الله عليك صرت مثل صدام حتى الاخوان يختلفون بين بعضهم بتمجيده لكن انت خليتنا نختلف بين بعضنا من حقيقة استجواب واضح وردود وزير مغلوطه ومتروسه بدليات حتى وهو فوق المنصه يقول انه مو دستوري رغم انه تنازل عن حقه الدستوري وكله من تقسيماتك الحلوه والي فرزت النواب بدو وحضر وكله لحساب الحكومه تلعب في التقسيمات على الحبلين .

لوحي يا اسيل لوحي وانا معاج بالسراء والضراء ومدافع عن استجوابج الي راح يصنفه بطل الابطال حارس مرمى الحكومه حامي البوابه الشرقيه الحكوميه بطل التحرير علي الراشد بأنه استجواب الحضر للبدو عكس استجواب البدو للحضر والله المستعان يا كويت.