التفنن بالفتن...والكلام المتضارب

اصبح العموم يتفنن بالفتن في هذه الايام بين شيعه وسنه عندما خرجت علينا قصة المناهج في مادة التربيه الاسلاميه والشيعه يقولون انه المناهج تتهمهم بالكفر والسنه يقولون انه لا يوجد في مناهجنا شيء وهذا التضارب الذي يصب لمصلحتين حكوميتين اولا التغطيه على قصة وزير الداخليه وحالته مع النيابه وضرب الوحده الوطنيه للمصالح القادمه اذا ما تقدم احد بالاستجواب من السنه للحكومه ويا مكثر الاستجوابات الي راح تييلهم هالحكومه التايهه قبل مناقشة المناهج خلونا نشوف تصريحات البعض من ممثلين او ليسوا بممثلين:

المهري : تعديل المناهج واجب لمساسه بالشيعه.

الطبطبائي : لا توجد شائبه بالمناهج وهي متوافقه مع الشيعه.

المطوع: مادة الاسلاميه تكفر الشيعه.

محمد هايف: لا يجوز تعديلها لانها على ملة الاسلام (جنه الشيعه مو مسلمين).

موضي الحمود : الاحاله الى لجنه مشكله بالوزاره.

اسيل العوضي: دغدغه ليس لها داعي .

المهري صاحبنا يا انه يسافر الفاكس معاه او انه ما يسافر دوله الا فيها محلات تدز فاكسات دوليه حتى وهو بره الديره يصرح مادري شنو يبي بالضبط وشنو دوره الاساسي بالمجلس الله العالم الظاهر يبي يصير النائب رقم 51.

الطبطبائي انت اخر واحد تتكلم بهالسوالف لانه كل من دخل عندك شيعي بالجامعه تصلي فيه شرق.

المطوع مخلي الشيعه كلهم مضطهدين وفقاره مساكين ليش ما ادري .

محمد هايف يوم عليهم يوم معاهم اثبت لك على شي معين الله يرحم والدينك واخر شي ملاحق لي حكومة نجاد احنا شكو فيهم اعدموا 14 سني يبيعون المخدرات ويهربون المجاهدين الى افغانستان؟.

الحمود انا متفائل فيج خير لكن اللجنه راح تكون كلها من السنه بحكم انه الدوله تمشي على المذهب السني المالكي والي يمنع وجود مدرسين او دكاترة شريعه اسلاميه شيعه يعني اللجنه راح تكون من السنه فقط وراح يأيدون انه المنهج لا تشوبه شائبه تمس الشيعه.

اسيل العوضي يا حياتي يا الفديتج الله يرحم والدينج بروحج ليبراليه وعوضيه وانا هم لبرالي وعائلتي قريبه من عائلتج الي قلتيه صح بس اللبراليين العوضيه والكنادره ما يمشي حالهم لانهم عبالهم انهم كفار لا يكفرونج مثل ما كفروني ربع الصحبه الصالحه وكثرة الزنى في الاختلاط بالجامعات مالنا خلقهم بروحه حمد الناشي الي رافع قضيه على حجابج المحامي ماله كندري وفلوس المحامي من كندري اخر .

الموضوع بالمناقشه بيكون من شقين الشق الاول اذا فعلاً كان هناك ما يمس الشيعه وجب التعديل من غير شك .

اما الشق الثاني اذا كانت هذه حركه من حبيب قلبي الدويسان الي يبي يلغي اسامي عمر ابن الخطاب وابو بكر الصديق وعثمان ابن عفان رضوان الله عليهم وعلى ال بيت رسول الله فأنا اقول ما تشوف شر لانه يتضارب مع مبدأ تكافئ الفرص فإقتراحي اما الغاء الماده نهائياً من المدارس وتدرس في المساجد كل واحد ومذهبه يتجه له اما ادخال شيوخ شيعه لتدريس الشيعه من الطلبه وعدم المساس من كلا الطرفين والاقتراحين الى مذهب الاخر.

شي داخل الموضوع :

واحد دخل على مدونة لنا كلمه وعلى موضوعي بالذات وأد الفتنه وقام يعطيني مواعظ دينيه انه الشيعه والسنه ما يتوافقون لانهم متضاربين وانا السبب الي اعرفه التضارب الي صار ما كان ايام يدي ولا ابو يدي لا صارت في نهاية السبعينيات وخصوصا بعد قيام الثوره الايرانيه وما تلاها من حرب بين العراق وايران والتفجيرات الي حصلت في الكويت كفيله بتفتيت عماد الثقه بين شيعه وسنه مبنيه من ما طلع شي اسمه الكويت ومن الممكن اكثر من جذي بعد.

والله المستعان يا كويت...