شلته عشانهم ...خفر السواحل

نزولاً عند رغبة البعض ازلت الموضوع السابق ليتك ساكت يا طارق العلوي لإعتقادهم بوجود معلومات خاطئه بنظرهم وحتى لا يتأثر البعض بمعلومات صحيحه وغير مؤكده من الاعلام وتشديدي عليها كونها صحيحه بحسب معارفي الخليجيين الذين يؤكدون المعلومه المنقوله.


الموضوع الي ببالي اهديه لخفر السواحل والحداقه الجنوبيين صوب الارياق الجنوبيه والي يشخطون صوب الجزر الجنوبيه

اقول لهم تو الناس حبايبي

بعد ان فقدنا من فقدنا بالبحر بسبب الغرق او السلابه ومنهم حسين الفضاله الله يرجعه بالسلامه ان كان حي ويرحمه برحمته ان كان ميت ادارة الخفر توها تستوعب فكرة انه الطراد لازم يكون فيه جهاز لاسلكي له موجه خاصه بالحداقه وهواة البحر بشكل عمومي تتصل بشكل مباشر بالاداره الدايخه حتى يرجعون بالسلامه او يبلغون عن امور تحصل لهم في عمق البحر وزياده فوق اللاسلكي قطعة الجي بي ار اس لتحديد الموقع الي اهم فيه بكبسة زر سريعه وحتى يحدون ويقللون من التهريب البحري للمخدرا والخمور وما الى ذلك من امور تتهرب ممنوعه غير آسفين عليها الشعب الكويتي.

يمكن بعض المدونين الي تفاعلوا مع الذكرى الاولى لفقدان الفضاله ومعهم نواب الامه والشعب الكويتي الآن بلش التحرك الفعلي حتى ما نفقد كويتي بالبحر من السلابه الايرانيين او الغرق بوسط البحر من وزارة الداخليه ممثله بالخفر الاستيعاب البطيء هذا ممكن انه يودر حياة البعض من العليميه بالبحر وما يعرفون شلون حتى يشغلون الطراد جهد مشكورين عليه لكن الجهد هذا يالنا متأخر سنوات كثيره حيث الجهاز اللاسلكي موجود في دول الغرب وبموجه خاصه لمخاطبة الخفر بأكثر من 25 سنه مضت.

قصه من القصص حصلت لأحد الاقارب راد من عوهه والهوا تارس والموج كل ماله ويرتفع زود طبع فيه الطراد بعد ما ضرب واحد من الرقوق بالبحر بين عوهه وفيلجا (الرق :قطعه صخريه مرتفعه تحت الماي تكون تحت عمق 10 قدم اقل اكثر حسب الموقع)اتصل على الخفر قال لهم انا بنص البحر وسالفتي جذي وهذا مكاني وهذه احداثيتي الخفر حركوا من مراكزهم يدورون على الولد ما لقوه صاحبنا طول بالبحر ساعه ساعتين ثلاث لا الريال وصل 7 ساعات جسمه تعب الطفاحه غرقت من الماي خلاص ما ترفع جسمه والخفر يفترون حوالين صاحبنا ولا يشوفونه مأمور اللاسلكي يقول حق صاحبنا انت بنص الماي شلون تكلمني تقص علينا؟؟ الريال يفهم الغبي يقوله را في شي اسمه جناط ضد الماي يتنح مأمور اللاسلكي بالنهايه بعد 10 ساعات بالماي الجيش الامريكي يحدد مكان الغرقانين بالتتبع الحراري شافوهم حذفوا لهم طفاحات يديده بدل الي شربت الماي من الهليكوبتر طراد الجيش الامريكي طلعهم سلمهم لقسم الخفر والانقاذ البحري في جزيرة فيلجا مشكورين وتوكلوا على الله وثاني يوم بالجرايد الخفر يتمخطر زي العروسه انه انقذ المساكين الي بالبحر طول الفتره هذي الطراد طبعان تحتهم وواقفين عليه والطراد متنسد على الرقوق لو انهم في مكان خالي من الرقوق او الصخر جان الله العالم وين مكانهم هالشباب الي راح بسبب غباء التطور عندنا.

بما انه المود بحري اليوم اهديكم هالغنايه الطيبه: