هل كيف...!!

بما اني متحلف بعلي الراشد شوي وناطره يصرح ويقول بس الحظ مو حليفي بالوقت هذا عشان ادرس اقتراح دخل فيه مع 4 اعضاء ومناشده منه للمواصلات طلع الحظ حليفه باللحظه هذه على العموم قبل لا ادخل بموضوعي هذا الاقتراح وهذه المناشده راد لهم بعد فتره انشالله .

موضوعي يقول :

المحكمه تطلب وزير الداخليه الرد لإهداره خمسة ملايين كاش ماهو دين الى الان طبعا حبيبي علي الراشد ما تكلم فيهم لانه الظاهر ما يبي نزايد بالصراع بين المجلس والحكومه ادخل وشوف الفيديو اخر شي المهم بالسالفه كلها انه الداخليه تتهم النيابه بعدم الاخذ بالجديه مو انتوا يا الداخليه جنكم مجموعة تحب تنكت لحساب الشيوخ كل شيخ يحال للنيابه عدم جدية بلاغ اكيد ما راح ياخذونكم على محمل الجد واقدر اقول كل واحد يتهم الثاني الحين يبي يقطها براس رفيجه ويطلع منها سالم غانم .


الموضوع الثاني لجنة التحقيق بالفحم المكلسن : طبعا يترأسها الاصيل الوحيد بالكويت سعدون باشا حماد ولفيف من البياسر حوالينه ويقول انه فيها ولد واحد من النواب ونائب سابق واشقائه ونائبه بالمجلس لها حصه بأحد الشركات والمتهمين سبعه طبعاً لكن يا سعدون باشا حماد مو من حقك كونك تترأس جهة تحقيق تتهم فالمتهم بريء حتى تثبت ادانته والقضاء هو الذي يفصل فيهم ويضعهم في دائرة الاتهام مو من حقك تشهر بالناس لمجرد ورود اسمائهم وقطيت الحجه بروسهم وطبعاً اتهامك ما يشمل احد العتبان (خاب ظني بأسمه مو متذكر) كونه احد المتنفذين وبلجنة المناقصات بشركة البترول الكويتيه k.p.c ولا شرايك يا سعدون باشا؟؟؟؟ انا ايضاً ما ابي اتهمه معاهم بس حبيت اذكر انه بعدك جهات قضائيه تعرف عملها تحقق فيها اما الغمز واللمز على احمد السعدون كون ولده موجود بمجلس ادارة الشركه مو من حقك .


على العموم الايام تكشف لنا كل شي مو مستعجل على شي انا بس صج علي الراشد ليش ساكت على الاحاله للنيابه لما الحين احد ينورني ...