الحاله بالكويت شيط بيط شرم برم اذا وجدت لها معنى فأخبرني واحد يصدر له حكم ولم يتم اصدار قرار بتنفيذه يروح يغير اقفال المكان المتنازع عليه ولا راد على احد.
نفس الشخص لما صدر حكم لمجموعه كانت ضده قال اوقفوا التنفيذ رغم صدور قرار التنفيذ لهم اي تناقض في هالانسان ما ادري؟؟؟.
يخالف القانون حلال ويصرح انهم يطقون روسهم بالطوفه بعد تصريحه انه يشقح الطوف ويتهاوش مع الناس عادي شالمشكله عندي خروف يناطح الكلاب"عزكم الله".
يحط له جم واحد ما همهم الا يطردون الصحافه بغير اي صفه قانونيه ويجبرهم على مسح الصور عادي شالمشكله.
يبوق اختام الاتحاد عادي شالمشكله
لجنه برلمانيه ما تدري وين الله قاطها ونصهم مكرشين وخر مره لاعب كره يوم كان بثاني متوسط توها تجتمع شالمشكله عادي.
واحد يقول انا بفيلجا وهو سكرتير اللجنه الشرعيه وبعد خمس دقايق يشوفونه يبوس الخشم ويسلم المفاتيح رغم انه ما عنده اي صلاحيه من اللجنه عااااااادي شالمشكله.
اليوم كان ودي اني اكتب عن موضوع ثاني لكن الي صاير ما ينسكت عنه ولا اكو احد قادر يوقف هالاستهتار.
لن يكون لدينا ما نحيا من أجله، ان لم نكن على استعداد أن نموت من أجله
هناك 6 تعليقات:
شالمشكلة ؟ لما الحين نسأل شنو المشكلة ؟ عجبي !!
لما الإصلاحيين يأكدون إنهم هو المصلحين ويقعدون 6 أشهر بدون لا يحركون شحمه هنيه المشكلة
لما مجلس الأمة يتناجر علشان قروض وينسون الشباب وإيقافات الإتحادات، هنيه المشكلة.
لما نقر خطة تنمية بالإجماع ويكون شعارها تنمية البشر قبل تنمية الحجر، وبعدين ننسى شبابنا، هنيه المشكلة.
لما "ممثلين" الأمة يسبون بعض جدام العالم كله، وبعدها بيوم اهم نفسهم يطبون بواحد قال إحنا مو قاصرين شر، هنيه المشكلة.
لما إيي واحد يقول أنا أقدر أحل المشكلة، بس إحنا ما نخليه علشان ما يطلع شي بإسمه، هنيه المشكلة
لما واحد يبي يمشي الناس على كيفه وعاد روحه لما الحين اهو "الملك" في بيت أبوه، هنيه المشكلة
لما نواب الأمة يسكتون لمدة 6 أشهر ومحد فيهم يتحرك، هنيه المشكلة
عرفت وينها الحين ؟
فيصل
اعتقد انت ما تقرا عدل
ولم يتم اصدار قرار بتنفيذه يروح يغير اقفال المكان المتنازع عليه ولا راد على احد
يعني لم يتم اصدار قرار تنفيذ الحكم بوقته لازم ينطر وقت تنفيذ القرار ولا تنسى انه في شي اسمه محكمة تمييز يعني ما انتهينا
الرياضة راح تنصلح إذا ردينا القفول ملوت قبل :)
يا أخي المشكلة أكبر من اللي تعتقدونها، قوانين الإصلاح أكرر للمرة ال100 تتكون من عدة بنود، ما تطبق منها إلا البنود اللي تتعلق بطلال الفهد، لما يسأل بدر الدويلة على منو ينطبق قرار عدم الجمع بين المناصب في "دولة الكويت" يطلع له الجواب "طلال الفهد" !!
البنود المهمة في قوانين "الإصلاح" هي الإحتراف والإستثمار في الأندية، هل تطبق منها شي ؟ وإذا تطبق هل تطبق على كل الأندية ؟ يمكن القادسية وكاظمة والكويت هم اللي استفادوا، انزين والأندية الثانية مالها رب ؟ ليش مو قاعدين نشوف أحد يطالب بإنصافهم ؟
لو راح أكتب ما راح أخلص يالحبيب، بس شنسوي !!
شنو سوو الهيئة واللجنة الإنتقالية واللجان المعينة في الأندية من 14-11 إلى 21-5 ؟ هل تحركوا علشان يحلون المشكلة، أنا أبي واحد يتحرك علشان يقنعني إن أهو يبي الفايدة للرياضة، مو قاعد أشوف أحد يتحرك إلا طلال الفهد، وهذا الصج سواء عجبنا طلال ولا ما عجبنا !!
كل الانديه قاعد تستثمر اذا سوقت لنفسها نادي كاظمه فيه البنك الوطني وحلاق وكبابجي ونيثنز وقريبا في استثمار جديد
القادسيه فيه مركز سلطان العربي ما ادري عنه
الكويت فيه استثمارات من مطاعم ونادي صحي رجالي ونسائي وصالة العاب
فحيحيل نادي صحي الساحل نادي صحي الجهرا ما ادله عشان اقول عنه بس تم تطبيق الاستثمار.
وعطني قانون مو متعلق بطلال الفهد ما طبقوه الأضداد تجدني واقف ضدهم.
ولا تنسى انه الهيئه موقف عملها حتى تأتي لجنه شرعيه تمسك زمام الامور وكانت هذي اللجنه تصريف العاجل من الامور فقط وتسليك طلبات النوادي خو ما يصير يوقفون الشغل
عندما كان طلال الفهد متمسك بالهيئه كان شغل نادي كاظمه رغم انه انا الي مراكض له من مكان الى مكان عشان نخلص سالفة مجمع الاحواض في النادي كله واقف شغلنا ورغم اني خلصت كل الامور الا انه وقف الشغل مدة 4 سنوات توهم يبلشون يحفرون حق المجمع والي مشى الشغل هذا الهيئه نفسها الموجوده الحين لو على ايام طلال جان انا ما خلصت.
لما تشوف إستثمارات القادسية وإستثمارات الكويت تنبهر، مجمعات كبيرة، وتقدر تمر يم نادي الكويت وتشوف بلاتينيوم وماكدونالدز وستاربكس شكثر يدخلون على النادي، ونفس الحالة مركز سلطان اللي عند نادي القادسية، بس قارن هالناديين بالذات مع الأندية الثانية، راح تتأكد إن أكو تفرقه، مثلا نادي السالمية ما عنده ولا شي، واهو بأهم منطقة تجارية بالكويت، نادي العربي ما عنده إلى البنك الأهلي (على ما أظن أنشئ قبل قوانين الإستثمار) وبس، العربي ما يقدرون يسوون شي بالنادي لأن منطقتهم سكنية وصغيرة.
إذا تبي قانون مو متطبق، شوف قانون الإحتراف، نادي القادسية كمثال، صار لهم 6 أشهر ما خذو معاشاتهم، والسبة الهيئة، "فرسان" الإصلاح ما تكلموا عن هالشي !! وهذا مثال حديث !!
عندك قانون ال14، أي إتحاد الأندية تشارك فيه على مستوى "المراحل السنية" يحق لها أن يكون له "ممثل" بالإتحاد، طبعا المشاركة في مراحل العمومي مو شرط !! أبيك تركز على المراحل السنية والممثل !! يعني أنا أفتح لي لعبة تحت 12 سنة، فلازم يكون عندي عضو بالإتحاد وأكون نفس المتفوق باللعبة واللي يشارك في كل المراحل !! والقانون يقول لازم كل نادي له "ممثل" مو عضو !! يعني هل النادي يحتاج إلى محامي دفاع حقه في الإتحاد ؟ أو النادي يرشح كفاءة علشان يفيد البلد وينظم الأمور ؟
ما شفنا تحركات من الهيئة طول ال6 أشهر علشان تحل موضوع الإتحاد واللجنة الإنتقالية !! الأندية العشرة انحلت وتم تعيين لجنتين معينتين لكل نادي طوال هذه الفترة، شنو التحرك اللي سوته الهيئة علشان تسوي إنتخابات بالأندية ؟ نادي العربي انحل في شهر 2 وكانت الإنتخابات راح تتم في أول شهر 5، أما الأندية العشرة فلما الحين ما ندري متى الإنتخابات !!
وبعدين إذا كانت اللجنة الإنتقالية لتصريف العاجل من الأمور، عيل ليش قدمت دعوة للأندية لتغيير النظام في شهر 11 وما قدمت الطلب مرة ثانية لما الحين ؟ هل تغيير النظام "كان" من العاجل من الأمور ؟ هل تغيير النظام "صار" مو من العاجل من الأمور ؟
أحاول أدور مبرر حق الهيئة علشان أرقع لها، بس للأسف ماكو شي !!
وعندما كان رئيس الهيئة ولد الشيخ جابر، انعرضت فكرة بناء استادين جديدين لنادي العربي ونادي القادسية، وأعتقد إذا دشيت الناديين الحين راح تعرف ليش الناديين انتهت مدة صلاحيتهم، وكل يوم طابوقه طايحه في المدرج في الناديين، وروح المدرج والمقابل في الناديين وراح تشوف، المهم إن بعهد ولد الشيخ جابر وبعهد "تحكم" طلال بالهيئة وبعهد الجزاف، لما الحين الأفكار كله حبر على ورق !! يمكن يكون السبب اللي أخر بناء المنشأة بنادي كاظمة طلال الفهد، بس مو نادي كاظمة النادي الوحيد المتضرر.
أنا ساكن في مشرف يم نادي اليرموك، تدري الملعب شكثر صارله سميت ؟ تدري متى آخر مرة العمال اشتغلوا بالملعب ؟ العمل متوقف من سنين، وفرق اليرموك يتدربون في مركز الشباب حاليا !!
الملعب مر على إدارات ولد الشيخ جابر وطلال والجزاف، بس لما الحين ما تحرك شي منه !!
المهم لازم نسأل روحنا جم سؤال، إحنا نبي المشكلة تنحل ولا نبي نتكلم ونتهم بعض ؟ منو قاعد يتحرك علشان يحل المشكلة ؟
عادي....
شترجى من واحد ماضيه "بلطجي" .... !
إرسال تعليق